Elutxetako argazkiak

Argazkia: Paki Kamino Aizpurua

Elutxetako afarian parte hartu zutenen artean banatzen ari naiz han ateratako argazkiak. Guzti-guztien e-posta ez daukat, ordea. Beraz, interesatuak jar daitezela nirekin harremanetan.
Martin Anso

Jose Luis Elkoro Hernaniko ekitaldian

Jose Luis Elkorok hartzen du hitza "Egin 10 urte" ekitaldian, Hernaniko Polikiroldegian. Argazkia IndyMedia Euskalherria-tik jaso dugu.

Elutxetako argazki bat

Argazkia: Paki Kamino Aizpurua

Martin Ansoren kronika: Elutxetako argazkiari buruzko zerbait komentatzeko eskatzen duzu eta, egia esan, ez dago kontatzeko gauza handirik, baina tira.

Blog honetan bertan iragarrita zegoen bezala, larunbatean, Hernaniko frontoikoa bukatu ondoren, EGIN eta EGIN Irratiko berrogeita hamarren bat langile eta kolaboratzaile ohi Elutxeta sagardotegira joan ginen, elkarrekin afaltzera.

Giro onean afaldu genuen, kontu kontari aritu ginen eta argazki batzuk ere atera genituen. Horietako bat da blogean agertzen dena. Zoritxarrez, behar beste erreflexurik ez genuen izan eta, atera genuenerako, batzuk alde eginda zeuden. Hala ere, benetan irudi ederra dela iruditzen zait. Ez zuen Pakik atera. Pakik auto-karabanakoak atera zituen, baita orain dela hamar eguneko prentsaurrekokoak ere, baina Elutxetakoa Juanjo etxeko nagusiak berak atera zuen.

P.S. Afarian askoz argazki gehiago atera genituen, jakina, baina lagunen artekoak dira, eta ez dut uste blogean ipintzea merezi dutenak. Hala ere, lasai, denbora pixka bat eduki bezain laster, bidaliko dizkiet "interesatuei".

Gaurko auto-karabanaren argazkiak

Gaurko auto karabanaren argazkiak helbide honetan jarri ditugu ikusgai:
http://www.hitza.info/irudietan/93/1274/

Egilea, Gari Berasaluze izan da. Esker mila, Gari.